პროგრამაში ჩართვის მსურველი კომპანიები უნდა იყვნენ დარეგისტრირებული ან დარეგისტრირდნენ სააგენტოს მიერ ადმინისტრირებად შრომის ბაზრის მართვის ელექტრონულ სისტემაში. რეგისტრაციის გავლა შესაძლებელია სააგენტოს მუნიციპალურ განყოფილებებში შემდეგ მისამართებზე :

• ბათუმი | ივანე ჯავახიშვილის ქუჩა №70/72
• ქობულეთი | დავით აღმაშენებელის ქუჩა №141
• ხელვაჩაური | დიდაჭარის ქუჩა №23
• ქედა | მერაბ კოსტავას ქუჩა №3
• შუახევი | თამარ მეფის ქუჩა №30.
• ხულო | თამარ მეფის ქუჩა №12

ან დაგვიკავშირდით ტელ.: (+995 422) 24 78 84

ტრენინგები ჩატარდება ნოემბრიდან, დეკემბრის ჩათვლით ქალაქ ბათუმში

*შენიშვნა: ტრენინგების თარიღი დაზუსტდება განაცხადების საფუძველზე ტრენინგების/მასტერკლასების თემატური ჯგუფების დაკომპლექტების შემდგომ. დაზუსტებული თარიღის შესახებ მონაწილეებს ეცნობებათ ტრენინგების დაწყებამდე მინიმუმ 3 დღით ადრე, განაცხადის ფორმაში მითითებული ელექტრონული ფოსტის ან ტელეფონის საშუალებით.

ტრენინგ-კურსის ხანგრძლივობა: კურსის თემატიკიდან გამომდინარე, ხანგრძლივობა შეიძლება იყოს ცვალებადი, მაგრამ შეადგენს მინიმუმ 12 საათს.

მასტერკლასის ხანგრძლივობა: 5 საათი

ტრენინგებზე დასასწრებად აუცილებელია პირს ქონდეს დასაქმებულის სტატუსი ტრენინგ კურსის შესაბამისი მიმართულებით.

მასტერკლასზე დასწრება შეუძლია პირს რომელიც პროფესიული გამოცდილებით ან/და კვალიფიკაციით უკავშირდება მასტერკლასის თემატიკას (შერჩევისას უპირატესობა მიენიჭება დასაქმებულ პირებს.)

ტრენინგის/მასტერკლასის წარმატებით დასრულების შემდეგ, მონაწილეებს გადაეცემათ ორი სახის დოკუმენტაცია, შედეგების მიხედვით:

• საერთაშორისო სერტიფიკატი: მსმენელები, რომლებიც წარმატებით გადალახავენ საბოლოო სასერტიფიკატო ზღვარს, მიიღებენ საერთაშორისოდ აღიარებულ სერტიფიკატს (ელექტრონული ან/და მატერიალური სახით, რომლის ნამდვილობა გადამოწმებადია (Verifiable) საერთაშორისო პროვაიდერის პლატფორმაზე).
• მომწოდებლის ორენოვანი სერტიფიკატი: გადაეცემათ ყველა მსმენელს. სერტიფიკატის ტიპი განისაზღვრება შიდა ტესტის შედეგებით („გაიარა კურსი“ – 70% და მეტი ქულის მიღების შემთხვევაში; „მოისმინა კურსი“ – 70%-ზე ნაკლები ქულის მიღების შემთხვევაში)

სასერტიფიკატო გამოცდა/ტესტირება ტარდება მხოლოდ ტრენინგ-კურსებისთვის (არ ეხება მასტერკლასებს) და შედგება ორი ეტაპისგან:

• ქართულენოვანი პრეტესტი: ტარდება ტრენინგის დასრულების შემდეგ, რათა შეფასდეს მსმენელების მზაობა საერთაშორისო მოთხოვნებისთვის.
• საერთაშორისო ტესტირება: პრეტესტის დადგენილი ბარიერის გადალახვის შემდეგ, მსმენელები გადიან დამატებით ტესტს სპეციალურ პლატფორმაზე საერთაშორისო პროვაიდერების არსებული პოლიტიკისა და ეთიკური წესების დაცვით

*მხარდაჭერა: ტესტირებისას უზრუნველყოფილია ქართულ ენაზე თარჯიმნის ან კომპეტენტური პირის მთარგმნელობითი მხარდაჭერა დადგენილი წესითა და პოლიტიკის შესაბამისად